رسالة عاجلة إلى حكومة الديناصورات

بعد تصريح السبسي حول تأجيل الإنتخابات لأسباب " تقنية " بان بالكاشف اللعبة القذرة للحكومة الملعونة تسريب خبر تأجيل الإنتخابات إنتظار ردة فعل الشعب إذا كانت إيجابية فبها إن لم تكن يخرج علينا الفاتق الرسمي بإسم حكومة الهانة ليظهرها بصفة البطل و قال شنوة متمسكة بموعد الإنتخابات
ثــم ينتقلو للخطة "ب" الهيئة الموقرة تصر على التأجيل والحكومة المسكينة مغلوبة على أمرها ما عندها حتى حل كان توافق على قرار الهيئة و تقول للشعب مالآخر عندك حل من ثنين: يا تقبلوا قرار الهيأة و تأجلوا الانتخابات.... يا إما إنتخابات مزورة بإشراف الحبيب الصيد
و وزارة الداخلية و تسكروا فامكم كلمة لا

نحنا ردنا كالتالي: حسب الدستور التونسي الذي تم ايقاف العمل به في مارس كان علينا اقامة الانتخابات في اجل اقصاه ستون يوما من هروب المخلوع، و لكن لاقامة الانتخابات في احسن الظروف تم تمديد المدة الى ستة اشهر..لن نقبل بيوم واحد اكثر من هذه المدة:.اما الانتخابات في وقتها او اقالة الحكومة برمتها(لأسباب تقنية)..لن نقبل المزيد من الوقت المهدور تحت سلطة كائنات من العصر الحجري و سياسة لويان الذراع ما تمشيش معـــــــــــــانا

Read More

يا مواطن أقرى و أعطي رايك

رجالات أمننا المغوار العتيد مافالحين كان في المتظاهرين السلميين و بناتنا اللي ب100
منهم و أطفالنا نوارة مستقبلنا
لكــــــن كي يجد الجد و يبدى فيها الكرتوش يضرب عالحدود في الذهيبة و رأس جدير ما نلقوا منهم كان الريح الجيش قاعد يعمل اللي عليه (و كي نقول الجيش راني نحكي على ولادنا مش رشيد عمار بالنسبة ليا رشيد عمار مايمثلش الجيش) لكن قداش منوا مسكين؟ المهم كي صار ماصار بعد 14 جانفي و فزاعة الميليشيات شكون وقف للبلاد و حماها؟؟؟ الشعب!! شكون لي عمل لجنات حماية أحياء؟؟؟ الشعب .............. بلغة أخرى الشعب قادر يحمي روحو بروحو و ماغير مزية الأمن الكرذونة اللي قاعد يحمي كان في العصابة لي تتحكم فينا

المفيـــــــد نهار نهارين نسمعوا حكاية قاعدة تصير عالحدود هاو زوز متسللين دخلوا عملوا فترية في سليانة قتلولنا كولونيل و رقيب في الجيش هاو من شيرة أخرى بنت القذافي و مرتو داخلين يتشخلعوا لتونس و كأن شيئا لم يكن و هاو نهار نهارين شدين كرهبة معبية بالسلاح و هاي حكاية الزوز لي باش يعملوا عمليات تفجير في تطاوين و هات من هاك اللاوي .......... صحيح مش الناس الكل فايقين لكن نحب نوصل ميساج للحكومة الغبية هذه رانا أغلبية الشباب فايقيــنيلكم و أفلام هولييود متاعكم ماتتعداش علينا أبسط حاجة كان ماجتش الحكايات هذه مفتعلة و متعمدة والحكومة خاطيها و مصفية النية مع الشعب راهي من أول محاولة إختراق للحدود كثفت الحراسة غادي و إتخذت جميع الإجرأت اللازمة لك هالحكومة الحمقاء دازة النية في الهبال و تسخايلنا سيدي تاتا باش نصدقوها ولا نعبوا بيها تي المهم نحبوا نقولولها شديهم كلابك خبيهم في الداخلية للمتظاهرين باش كي يخرجوا لشارع باش يقتلعوك من جذورك خرجيهملنا بالكريموجان متاع الحيوانات والمتراك والكرتوش أما نحنا كشعب تونسي نقولولك اللي راكم ماتمثلونـــــــــــــاش و حدودنا إنجموا نحموها وحدنا

نحنا 10 ملايين صحيح ماعندناش خبرة لكن عندنا عزيمة و متسلحين بالإيمان و حب الوطن من هال10 ملاين مستحقين كان 7000 شاب و ماشاء الله بحكم سياستكم العظيمة القهاوي معبية بالبطالة اللي ينجموا يقوموا بالمهمة
الشريط الحدودي التونسي يمتد على حوالي 700 كلم نحطوا مواطن في كل 100 متر يشغل مهمة حارس حدود و هكا نغطو الشريط الحدودي كامل والحارس هاذا كي يلاحظ أي تحرك مشبوه ولا عملية إجتياز للحدود يعلم أقرب وحدة عسكرية وطنية موجودة

======> الشعب يحمي نفسه بنفسه ماغير مزية الوزارة الإرهابية و ماتحلموش بيه النهار اللي الشعب باش يتنازل و يطلب منكم الأمن محاولاتكم الكل فـــــــــــاشلة ديما عندنا الحلول البديلة لممارساتكم الدنيئة والشعب فايق بيــــــــكم 

Read More

مـــــــــــاذا و لمـــــــــــــــاذا

• أنا لا أفهم ماذا يريد أعداء الثورة ؟؟؟ ما كمية الكره الذي يحملونه لهذا الشعب ؟؟؟ وأي عداء هذا الذي يجعلهم يعلنون على جميع القنوات العالمية عن وجود تنظيم القاعدة في وطننا اليوم ؟؟؟ ألم يكونوا بالامس يقولون يجب فك إعتصام القصبة كي نتمكن من جلب السياح ؟؟؟؟ ألم تنشر جريدة الصباح "الماطرية" أن حزب النهضة يعلن أنه يتقبل في فكره مع تنظيم الق...اعدة ثم وعندما أصبح في الأمر شكوى من النهضة ضد هذه الكذبة نشرة الجريدة إعتذاراً ؟؟ واصبحوا اليوم يسمحون لانفسهم باعلان تسلل مجموعات من تنظيم القاعدة إلى ترابنا !!! هل هي سياسة الأرض المحروقة ؟؟؟ أم هي حرب بدأ العد التنازلي لها قبل موعد 24 جويلية لاجهاض قيام الانتخابات لعلمهم المسبق من أنهم لن يكون لهم فيها موطء قدم خاصةً بعد تمسك لجان حماية الثورة بعدم مشاركة أي عنصر فاعل من حزب بن علي في هذه الانتخابات. ثم لماذا أعلن راديو موزاييك "الطرابلسي" أن المجموعة هي من تنظيم القاعدة في حين أن المعارك حينها مازالت قائمة؟ كيف علمت بذلك قبل مخابرات الجيش والشرطة ؟؟؟ لماذا لا نوجه أصابع الاتهام إلى ازلام بن علي وبقايا حزبه الارهابي الذي هددنا بحمام دم إذا تم اقصاه من الانتخابات ؟ ألم يتم الامساك بنائب الأمين العام للتجمع ألادستوري والديمقراطي قرب محطة ارتال الباساج وسيارته محملة بالاسلحة "و هذا موثق بالفيديو" يوم 15 جانفي 2011 وكذلك رئيس شعبة في قصر سعيد محملاً بالاسلحة ؟؟ ألم يتم القبض على العديد من عناصر ذاك الحزب التجمعي الارهابي في كثير من مدن الجمهورية وهم يحملون السلاح ويفرقون في الأموال لبث الفتنة ؟؟؟ لماذا تتناسى وسائل الاعلام جميعها هذه الوقائع ؟؟؟ ثم هل نسينا ليالينا في محاربة قناصة بن علي وعصابات الطرابلسية المدججين بالسلاح ؟ ألم يستشهد في التلك الليالي السوداء عناصر من الجيش الوطني في مواجهة تلك العصابات ثم إختفو فجاةً ؟؟؟ لماذا ياكدون اليوم قبل إتمام الأبحاث أن هذه العصابة الارهابية هم من تنظيم القاعدة ؟؟؟؟؟ اسئلة يجب لكل عاقل أن يطرحها على نفسه لكن ما يجب في مواجهات كل هذا الصلف الاعلامي والمكر الارهابي أن نفعله هو نتمسك بموعد 24 جويلية كي نقطع مع كل هذه المرحلة من الشكوك والتلاعبات ونجهض كل مخططاتهم

Read More

المخطط الجزائري

معالم المخطط الجزائري السبسي بدات تتضح يريدون جزائر جديدة بحكم عسكري وبمباركة شعبية تحت غطاء تنظيم القاعدة و 

ماجاوره يريدون ذريعة شرعية لدخول قوات امميه أولا للمساعدة في ضرب القذافي إنطلاقا من الأراضي التونسية ثانيا حماية التحالف 

الجزائري التجمعي و مصالحها في تونس وضمان موالاة نظام تونس للحكم في الجزائر وطبعا خوفا من ثورة شعبية تقتلعهم .. ثالثا 

تأخير إنتخابات المجلس التأسيسي لمزيد بلبلة الاوضاع و تنويم الشعب

Read More

مســـــــــــــــــــــــك الختام

• • 
    
    المرة هذي باش نكتبوا بالفلاّقي ويزينا من
    
    
     لغة الضاد والفصى لأنّه بالدّبوس وانشاء الله
    
    
     نفهموا.
    
    
    قبل كيف كنا تلامذة صغار نقروا في السيزيام 
    
    
    والمعلم متاعنا يحضّر فينا للمناظرة يركزنا 
    
    
    في العربية على الانشاء كيفاش نحرروا
    
    
     موضوع إنشاء بمراحله الثلاث المقدمة
    
    
     والجوهر والخاتمة، هذا ذكّرني بحال ثورة
    
    
     تونس المسكينة مقدمتها كانت ثورة شباب
    
    
     على أوضاع متردية متاع ظلم واستبداد
    
    
     واشتعلت نار الثورة في كل بقعة من لبلاد
    
    
     ودخلنا الجوهو وهو اللي بيه الحاجة نهار
    
    
     اللي وصلت الجماهير وزارة الداخلية زلزلتها
    
    
     كلمة ديقاج وكأن لبلاد الكل تنطق بصوت
    
    
     واحد وفرحنا وقلنا بن علي هرب وبدينا
    
    
     نخططوا للتغير والحرية والعدالة والتنمية
    
    
     ودولة يسودها النظام وحريات شخصية
    
    
     ووطنية وخوف على مصالحها. لكن ما راعنا
    
    
     الاّ وبرزت فقاقيع من كل بقعة وخرجت
    
    
     الناس على حقيقتها وسلمت الناس في
    
    
     الثورة ووصلوا الدمادم من كل بقعة واللي
    
    
     كان داس روحه في لبلاد خرج واصبحت
    
    
     زعامات ومزايدة على الثورة وهي في
    
    
     الحقيقة مزايدة للوصول الى الكراسي ومنابع
    
    
     الخير .تلفّت الشعب لبعضه وحاربوهم
    
    
     ببعضهم هذا يكذب هذا وهذا يكفر هذا وهذا
    
    
     ادرى بمصلحة لبلاد اكثر من غيره واحد
    
    
     سلفي وواحد شيوعي وواحد ديمقراطي
    
    
     وواحد يحارب باسم الدين والاخر جعل من
    
    
     الدين عبّيثة وخوّيفة للناس ومشى في
    
    
     العفس القليل والزوالي لهز راسه باش
    
    
     يتنفس الحرية شوي تنفس..... المهم
    
    
     والفايدة ثورة وانتهت والا هيا نقولوا راهي
    
    
     حلمة موش ثورة وفيق ياشعب من حلمتك
    
    
     الليل راح......نجوا للخاتمة كيف ماقالنّا
    
    
     عليها المعلم الخاتمة يجعلها خاتمة خير
    
    
     فرحنا بالحرية والعدالة الاجتماعية لكن في
    
    
     النهاية رجعت فرحا مسرورا بعودة الظلم
    
    
     والاستبداد والبوليس السياسي الله عليك
    
    
     ياثورتي .هيا يا مواطن صلّح الموضوع
    
    
     وأعطيني عدد

Read More

لك الله يا تونس

لك الله يا تونس نحن بحاجة لمراكز تبرع بالشرف والنخوة والناموس لانها مفقودة و يتعذر العثور عليها اين انتم يا رجال تونس العالم كله يتفرج و الحل و الحل ؟؟؟؟؟؟؟؟؟؟؟؟؟؟؟ متى تستفيقون هل قامت الحكومة بخلط الغاز المسيل للدموع بمادة تغسل الادمغة والله اني اصبحت اشك لانه لا يوجد اي وجه شبه بين الشعب الذي قام بالثورة والشعب الموجود حاليا ؟؟؟؟؟؟؟؟؟؟؟ الشعب الذي تغنى العالم باسره ببطولته وشجاعته في زمن لا نرى فيه قصصا لابطال خاصة في الوطن العربي هل كل ما يحصل صحيح ؟؟؟؟؟؟؟؟؟

Read More

الشعب يريد إسقاط الدولة البوليسية

الرابع عشر من ماي قريبة يعني نحن على مشارف أن نطوي الكتاب على صفحات الشهر الرابع بعد إقتلاع الديكتاتور كي نجي نعمل وقفة تأمل للي صار من 14 جانفي لتوا نلقى في الحقيقة ماتبدل شئ

الديكتاتور هرب و الديكتاتورية مازالت ياخي علاش عملنا "ثورة" أحنا مش قلنا القطع النهائي مع الماضي ؟؟؟ مانيش باش نعاود نخرف و نقول راو اللي يحكم فينا تجمعي واللي معاه بورڨيبي والوزراء الفاسدين مازالوا شادين مناصب في البلاد و لا بنقول اللي رؤووس الفساد في التجمع و قتلة أبناء الشعب في عوض يدخلوا للحبس عاملين أحزاب و حضروافي رواحهم للإنتخابات و مش باش نحكي على فلوس الشعب لي مطيشة البرا و ماملوج عليها حد في حين يتجاروا باش يوحلونا في قروض نبقو نخلصوا فيها نحنا و صغارنا و صغار صغارنا و مانيش باش نجبد على الطرابلسية اللي واحد شاري فيلا في قطر و ماخذ إقامة دايمة و لاخر يبدى في مشاريع في كندا و لا بنحكي على اللي ماشي جاي على تونس و هو متسبب في مقتل7 من ناس في الوردانين و لا باش نجبد على عالأحكام الكوميدية على عماد و عموا و لا باش نحكي على حتى شئ خاطر ريقي شاح وأنا نخرف في هالحكاية و مالمفروض يكون الشعب فايق بهذا الكل أما علاش ساكت مش عارفة

المهم أنا ليوما نحب نحكي عالوجه الأخر اللي ماريناهش مالثورة : يعني لو فرضنا الشعب ماصدقش ألاعيب و مسرحيات الحكومة و كبش في مطالبوا لي خرجنا على خاطرنا و قدمنا ثمنها أكثر من 300 شهيد "إسقاط النظام" خاطر اسقاط النظام هو ترجمة أخرى لمفهوم "الثورة" ماو كي نقولوا ثورة آش معناها؟؟؟ القطع مع القديم والتأسيس للجديد يعني فسخ و عاود من جديد خلينا نتخيلوا لو إنه الشعب شد الصحيح في مطالبه من أول مرة و حققها :

1ـ حكومة تصريف أعمال مصغرة مهمتها ستقتصر على تسيير دواليب الدولة

2ـ تعيين لجان للأغراض التالية: تتبع رموز النظام السابق، تقصي الحقائق، الإصلاح السياسي، التحقيق في ملفات الرشوة و الفساد

3ـ تكليف لجنة الإصلاح السياسي ببعث قانون انتخابي لتكوين مجلس تأسيسي

4ـ استقلالية القضاء – القضاء هو الضامن الأول و الأخير لمحاسبة رموز النظام و القصاص العادل لكل من تورط سواء في قتل الشهداء، قمع الحريات، سرقة أموال الشعب و استغلال النفوذ و المال العام لمنافع شخصية لهذا فإن كل من لجان تقصي الحقائق و التحقيق في ملفات الرشوة و الفساد تكون مكونة من محامين و قضاة شرفاء، كما تكون لجنة تتبع رموز النظام السابق متكونة من محامين و قضاة و ناشطين حقوقيين. كما يتوجب على هذه اللجان إعادة فتح جميع الملفات و الانطلاق أولا بالقصاص من قتلة الشهداء و تتبع رموز النظام السابق في الخارج مع فرض الإقامة الجبرية على من هم في داخل تونس.

5ـ إصلاح القطاع السمعي البصري – المؤسسات الإذاعية و التلفزية و الصحافة المكتوبة يجب أن تلتزم بميثاق شرف المهنة لذا تتكلف لجنة الإصلاح السياسي بعد إتمام القانون الانتخابية للمجلس التأسيسي بإصلاح قانون الصحافة.

تصوروا لو كان اللي طالبنا بيه نفذناه في جملة الإنجازات هذه تخيلوا قداش من حاجة كنا عملناها؟؟ أكيد لكنا قطعنا شوط كبير جــــــــــــــــدا مش كيما هو الحال توا لازلنا في نقطة الصفر لكن مازال الفرصة موجودة لتصحيح مسار الثورة واللي ماحققناهش قبل في إيدينا إنه نرجعوا نعملوه تنقصنا فقط العزيمة والإرادة هيا يا شعبي موافقين نكملوا الثورة و نصلحوا أغلاطنا؟؟؟ شعارنا سيكون " الشعب يريد إسقاط الدولة البوليسية" شكون معايا؟؟؟

Read More

ثورة على الاطلال

كان يا مكان في قديم الزمان
شعب ثار على نظام فاسد... فاسقط الرئيس... فاوهمه البعض ان اسقاط الرئيس هو نهاية الثورة ... صدق الكثير الكذبة وقبلوا بها فرحوا غنوا رڨصوا ابتهاجا... لكن كان هناك فكر ثوري تبناه فتية امنوا بثورتهم وزادتهم ثباتا حارب هذا الاستغباء : تظاهر، قاوم ، اصر على استكمال ثورته ... لكنه جوبه بالانتقاد ووجه...ت له تهم الفتنة والبلبلة ... ووعد رئيس العصابة التي استغبت الشعب باستعادة هيبة الدولة فقمعه واعتقله ثم شوه نضاله
لكنه اصر على المقاومة ثم المقاومة ثم المقاومة لكن صوته خافت ولن تقوى نبرته الا بالتفاف الشعب حول مطالبه
وكلما لملم قوته وصاح : قصبة قصبة قصبة ... لوث ضجيج الخيانة صدى كلماته ثم كتمت رياح السلطة اللاشرعية صوته... فوادته وهو حي ... ظنوا انه مات ارادوا ان يطووا صفحته ويشيدوا له صنما ... لكنه خرج من رماد الاستبداد وصاح ثورة ثورة فردت احياء سقط فيها الشهداء : خانوها خانوها خانوها
فهل تولد عنقاء الثورة من رماد الخيانة والالتفاف؟؟؟؟

Read More