في مصر تحاسبوا الوزرة و طيشوهم في الحبس و مبارك و المدام في الحبس و جمال و علاء كيف كيف في الحبس سوزان مبارك تنازلت على ثورتها و رجعتها للشعب اللي سرقتها منه في مصر عملوا إستفتاء على تعديل الدستور و عملوا إستفتاء على الإنتخابات في مصر رفضوا القروض الخارجية و يحبوا يوقفوا بلادهم وحدهم خاطر عندهم رجال كي تقول تفعل مش كي برشا عباد ..... في مصر زادا حكموا على قداش من أمين شرطة بالإعدام خاطر تسببوا في قتل المتظاهرين و غيرهم مازال يستنى في الحكم مش كيما برشا بلايص اللي قتلوا طلعوا إشاعة في مصر تم رفض الترخيص لحزب على خاطروا يضم بعض وجوه الحزب الحاكم القديم في بلاصة أخرى خرجوهم مالباب دخلوهم مالشباك و في عوض حزب واحد ردوهم 35
المهم بالنسبة للتورة المصرية اللي عندها رجال بالحق قاعدة تمشي على الطريق الصحيح رغم محاولات تحييد المسار لكن لقات رجال ياقفولها و يحموها مالإلتفاف الغريب في الأمر إنه مصر هاذي يزعم إنها تعلمت الثورة من دولة شقيقة مجاورة نجي نعمل طلة على الدولة الشقيقة اللي يزعم البعض إنها "أم الثورات(المضادة)" نلقى حالها يأسف يبكي يدمي القلب حالها يبكي الكافر نجي نسئل روحي نقول هالدولة آش عملت بعد الثورة؟؟؟ مانلقى كان إيديا والريح فم سؤال واحد برك يبقى ديما يلح عليا :
يــــــــــــاخي مصر فيها رجـــــــــــــــال و هالبلاد مافيهـــــــــــــــــــــاش؟؟؟؟
3 commentaires:
Thanks Rawya, I think we went too much into #egypt and #tunisia revolutions comparison, we thought that they are in better situation and they did the same, but I realised that we are both suffering from anti-revolutionary thugs, and we should learn from each other and probably we need that more than they do.
ya that's true but we can't deny that the Egyptian revolution go ahead more than us.
look at them what they are doing? and see what happens in Tunisia.
at least the people running the country are patriots and not like the dinausares that we have
أنا اعترفلك ان في مصر الوضع افضل من تونس ولكن ليس بالفارق الكبير اطلاقا ....اللي هيفرق جامد جدا هي الانتخابات القادمة .. من سيشكل برلمان معبر عن الشعب سيكمل ثورته بنجاح ان شاء الله
Enregistrer un commentaire